Nazioarteko Lankidetza eta Hezkuntza Askatzailea online Masterrean aurrez izena emateko epea irekita

"Hezkuntza-eredu zabalago baterantz aurrera egiteko beharra dago, bai Hezkuntzari buruzko ikuskeran, bai Garapena kontzeptuan ere. Emantzipatzeko formula berrietarako trantsizioa irekitzearen alde dagoen eredurantz joan beharra dago, ereduaren krisiari, lankidetzaren krisiari eta gizarte-aldaketarako aliantzari erantzuteko gai den eredura." (Juan José Celorio)

Nazioarteko Lankidetza eta Hezkuntza Askatzailea online Masterra UPV/EHUaren berezko titulua da, lankidetzarekin eta/edo hezkuntzarekin lotutako eta gizarte ekintzaren inguruko arloetako pertsonen gaitasun profesionala hobetzera bideratzen da. Hegoa Institutuak eta UPV/EHU koordinatzen duen eta campus birtualaren bidez ematen den master honetarako aurrez izena emateko epea apirilaren 15ean hasi zen. 

Master honek garapenerako lankidetza kritiko bat bultzatzeko gai izango diren pertsonak trebatu nahi ditu. Lankidetza kritikoa oinarrizko premien asebetetzera bideratutako politiketatik, gizarte justizia eta hezkuntza askatzailea bultzatzeko xedea duten subjektu politikoak ahalduntzera bideratuko da.

Masterrak 13 hilabeteko iraupena du (2022ko urritik 2023ko azarora), eta 60 ECTS kreditu ditu, 12 irakasgaitan eta amaierako ikerketa-lan batean banatuta. Masterra malgua da, beste lan batzuekin uztar daitekeena, on line irakasten baita osorik, eta unibertsitateko irakasleak eta gizarte kolektiboetako adituak ditugu. Masterraren ebaluazio-sistemak, On line ikastaro baten ohiko ebaluazio-sistemarekin bat etorriz, jarraitua izan behar du, eta, logikoa denez, bat etorri behar du ikastaro ez-presentzial baten berezko ezaugarriekin.

Aurrez izen ematea, onarpena eta plaza gordetzea

Nazioarteko Lankidetza eta Hezkuntza Askatzaileko Online Masterreko aurrez izen ematea EHUren web orri honen bidez egiten da. Edozein argibide nahi izanez gero, jarri harremanetan masterreko idazkaritzarekin: estibaliz_madrazo001@ehu.eus / 946017131.

Master honetaz gain, Hegoak eta EHUk honako titulu ofizial hauek koordinatzen dituzte: Garapena eta Nazioarteko Lankidetza Unibertsitate Masterra eta Globalizazioa eta Garapena Unibertsitate masterra. Izen ematea-, onarpen- eta erreserba-prozesuei buruzko informazio gehiago nahi izanez gero, UPV/EHUren web orrian kontsultatzea gomendatzen dugu.

Hiru masterrek, Hegoak eta UPV/EHUren koordinatutakoak, Lankidetza - Lankidetzarako eta Elkartasunerako Euskal Agentzia.