Landa-lanaren erronkak Hego Globalean

Maiatzaren 27an, astelehena, European University Institute-ko Miriam A. Golden-ek Challenges of fieldwork in the Global South mintegia emango du (ingelesez).

Mintegi hau maiatzaren 27an egingo da, 16:00etatik 18:00etara (GMT +2), UPV/EHUko Ekonomia eta Enpresa Fakultateko Gradu Aretoan (Sarriko, Bilbo), eta streaming bidez emango da.

Jarduera Globalizazioa eta Garapena eta Garapena eta Nazioarteko Lankidetza unibertsitate masterrek antolatzen dute, baina gai horretan interesa duten pertsona guztientzat irekita dago.

Miriam A. Golden irakasleak Politika Konparatuko Peter Mair katedra du European University Institute-ko Gizarte eta Politika Zientzien Departamentuan, eta lehenago Kaliforniako Unibertsitateko irakaslea izan zen Los Angelesen (https://www.miriamgolden.com/).

Mintegian, Miriam A. Golden irakasleak Hegoaldeko herrialdeetan landa-lanak dituen erronkei buruz hitz egingo du, demokratizazioa, gobernantza eta klientelismoa bezalako gaiak sakon ikertu baititu.

Informazio gehiago:

• Mintegiaren kartela.

• Streaming: https://ehutb.ehu.eus/canal1

June Oribe Iriondo. Área de Formación y Docencia - Instituto Hegoa. june_oribe001@ehu.eus  / 946 01 70 47

Ikusi hemen Hegoako masterren eskaintza osoa.

-